სსიპ ილია წინამძღვრიშვილის სახელობის კოლეჯი აცხადებს მიღებას სასტუმრო მომსახურების პროგრამაზე. პროგრამა სრულად ფინანსდება სახელმწიფოს მიერ და ხელმისაწვდომია 2026 წლის ერთიანი ეროვნული გამოცდების ფარგლებში.
დაინტერესებულ პირებს შესაძლებლობა აქვთ, რეგისტრაციის პროცესში, საბაკალავრო პროგრამებთან ერთად, ონლაინ პორტალზე (online.naec.ge) მიუთითონ სსიპ ილია წინამძღვრიშვილის სახელობის კოლეჯი.
პროგრამის აღწერა:
სწავლების ხანგრძლივობა შეადგენს 13 თვეს. პროგრამაზე ჩარიცხვის წინაპირობაა სრული ზოგადი განათლება (12 კლასი). სასწავლო კურსი მიზნად ისახავს კვალიფიციური სპეციალისტების მომზადებას, რომლებიც შეძლებენ მუშაობას სასტუმრო და მომსახურების სფეროში, სტუმრების მიღებასა და მომსახურებას, სერვისის ორგანიზებას და მაღალი ხარისხის მომსახურების უზრუნველყოფას.
მიღების პირობები:
პროგრამაზე ჩარიცხვისთვის აუცილებელია მესამე საგნად არჩეული იყოს ერთ-ერთი: მათემატიკა, ისტორია ან გეოგრაფია.
დეტალური ინფორმაცია საგამოცდო პროგრამებისა და ტესტების შესახებ ხელმისაწვდომია ვებგვერდზე: naec.ge
კოლეჯის შიდა რეგისტრაციის გავლა შესაძლებელია შემდეგ ბმულზე:
https://forms.gle/ei2LTWh4axty4Rb89
